Кислородот се појавил во атмосферата на Земјата 700 милиони години порано отколку што се претпоставуваше...

Тоа го открија група научници од Универзитетот на Британска Колумбија и Копенхагенскиот универзитет. Резултатите од нивното истражување се објавени во научното списание "Nature".

Тие ги анализирале со најсовремена апаратура најстарите карпи, кои се чуваат во јужна Африка: нивната возраст е околу 3 милијарди години. Во нив се откриени траги од оксидирачки процеси.

"Тоа е сведоштво за присуството на кислород во атмосферата уште пред 3 милијарди години, а не пред 2,3 милијарди, како што се сметаше порано", изјави шефот на групата канадски научници Шон Кроули. "Промените во составот на атмосферата доведоа до еволуцијата на животните и човекот", додаде тој.

Се претпоставува дека Земјата се појавила пред 4,6 милијарди години.