Сега е вистински момент: сперматозоидите се "најживи" кон крајот на зимата и раната пролет...

Најмногу бебиња се раѓаат во есен, а израелските научници сега утврдиле дека причината за тоа е што сперматозоидите се најздрави во зима и рана пролет.

На основа на примерок на повеќе од 6.000 мажи кои имале проблеми со плодноста, научниците утврдиле дека квалитетот на сперматозоидите е најдобар во зима и рана пролет, по што нивниот број и брзина опаѓаат.

Израелскиот тим, на чело со др. Елијах Левитас од универзитетот Ben-Grion утврдил дека шансите да зачнете најчесто се токму во зима и рана пролет. "Ова откритие може да биде од големо значење за паровите кои се борат со неплодноста, затоа што можат во договор со лекарот да изберат термин за третмани кои ќе го помогнат оплодувањето и така да ги зголемат шансите за успех", се наведува во студијата.

Имајќи во предвид дека за создавање на сперматозоиди е потребно околу 70 дена, научниците заклучиле дека најмногу шанси за зачнување паровите имаат во зима и рана пролет затоа што тогаш сперматозоидите се најбрзи и ги има во поголем број во одонос на другиот период од годината.