Тим француски професионалци од Националниот центар за научни истражувања утврдил дека состојката изолирана од отровот на многу опасната змија, црната мамба, може да претставува ефикасно средство против болки, без токсично дејство.

Експериментите на лабораториските глувци покажале дека пептидите, мамбалгините, во голема мера ја уништуваат болката, при што ги „заобиколуваат“ рецепторите за морфин и останати опијати во мозокот и така не доведуваат до проблеми со дишењето или до мачина, кои овие средства често ги предизвикуваат.

Освен тоа, излегло дека тие пептиди, барем кај глувците, не предизвикуваат зависност која може да доведе до користење морфиум.

Коавторот на истражувањето, Ан Барон, смета дека е многу јасно дека „мамбалгините“ имаат исто аналгетичко дејство на луѓето како и на глувците.

Една француска фармацевтска куќа моментално ги истражува можностите за примена на мамбалгинот кај луѓето.