Истражувачите од универзитетот во Тел Авива развиле мал и многу тенок радиоактивен имплант, откако ги проучувале дејствата на радиотерапијата на канцерогените клетки.

Имплантот овозможува не само туморот да „експлодира“ одвнатре, туку и се намалува опасноста од негово повторно појавување.

Имплантот се воведува со поткожна игла во самиот центар на туморот и делува како „касетна бомба“.

Кога имплантите се воведуваат во туморот, веднаш почнува ширењето на радиационите честички од „алфа“ тип и тоа според надворешноста на туморот, пред да се дезинтегрираат на безопасен начин низ организмот.

Се работи за техника која се покажала ефективна на глувци, а наскоро би можела да биде и предмет на истражување на луѓе.