Музичкото списание "Билборд" го прогласило пејачот Бруно Марс за уметник на годината, бидејќи неговата песна „When I was Your Man“ доспеала до прво место, а песната „Treasure“ во првите пет места на Топ листата на хитови...
Оваа ласкава титула сепак му припаднала на Бруно, иако многумина мислеле дека ќе и биде доделена на Мајли Сајрус поради нејзината доминација на топ листите, или пак Џастин Тимберлејк, кој имаше прилично забележително враќање на музичката сцена после 7-годишна пауза.
Од албумот на Марс, „Unorthodox Jukebox“, издаден минатата година, се продадени повеќе од 1,8 милиони примероци и е втор најпродаван албум на годината после оној на Тимберлејк "The 20/20 Experience".
