Групата по повод 20 години постоење повторно е заедно, а за сега само Британците ќе ги почестат со концерти.

Некогаш главниот вокал на Ирската група Boyzone, Ронан Китинг на концертот во Лондон му беше домаќин на поранешниот колега Шејн Линч и публиката ја израдува со веста дека повторно, како некогаш, ќе настапат заедно.

„Дами, полека се приближува делот од годината кога обично добивате цвеќиња и чоколади, но оваа година тоа можат да бидат и карти за концерт на групата Boyzone.“

Групата последен пат заедно настапи пред три години кога го промовираа албумот Brother, посветен на Стивен Гејтли кој почина во 2009 година.

Покрај Ронан и Шејн, групата ја сочинуваат уште Кит Дафи и Мики Грејм, а за сега нема информации за нови песни, но би требало да издадат компилација хитови.