Џенифер Анистон уште еднаш докажа дека и со 42 години успешно ја одржува линијата, но и кариерата. На промоцијата на својот парфем одржана во Мексико Џен се појави во златен фустан кој ја истакна нејзината витка фигура, прекрасен тен, но и новата фризура освежена со светли прамени...

Џенифер Анистон е жив доказ дека некои работи со тек на годините навистина стануваат се подобри и подобри.

Четириесет и две годишната глумица се појави на промоцијата на својот нов парфем одржана во Мексико, а изгледаше прекрасно.

Ѕвездата на незаборавните „Пријатели“ за оваа пригода имаше облечено златен фустан со една прерамка украсен со светкави детали и едноставни сандали на ременче.

Лесната тоалета совршено се вклопуваше со нејзиниот исончан тен и новата, пократка фризура освежена со светли прамени.

Секогаш дотераната и негувана глумица позирала за собраните фотографи пред големиот плакат од својата неодамнешна кампања за парфемот на која храбро ја соблече сета своја облека и позираше прекриена единствено во беж платнена ткаенина.