Црвените рози се симбол на љубовта и непогрешив подарок за Свети Валентин. Илјада такви рози, проткајани во фустан сочинуваат единствен примерок на хортикултура кој не трае ниту една сезона, но потсетува на еден ден во годината посветен на романтиката...

За своите муштерии да ги потсетат дека на 14 февруари не смеат да се вратат кај својата партнерка без црвени рози, британскиот ланец на супермаркети Ased со помош на Џо Маси, троен добитник на наградата на познатата манифестација посветена на кортикултурата RHS Chelsea Flower Show, направија долга тоалетна направена исклучиво од цветови и ливчиња рози.

Покрај темно-црвените рози, дури 1000 од нив, конструкцијата на миризливиот фустан ја сочинуваат и 75 гербери и 300 каранфили.

„Сакав да отелотворам што би требало да претставува романтичниот букет за Свети Валентин - класика и елеганција зачинета со трошка сексипил“, појасни творецот на оваа модно-мирисна посвета на празникот на љубовта.

Оваа сосема посебна креација која тежи 12 килограми инспирирана е од неодамна одржана ревија на Стивен Роланд кој на паришката недела на модата изложи црвен фустан со грандиозна конструкција.

Бидејќи фустанот тежел повеќе од 50 килограми, за време на одење по пистата на Џасмин Ле Бон и помогнале двајца манекени подготвени да ѝ се најдат во секој момент во изведувањето на таа тешка задача.