За тоа се шушкаше веќе речиси цела година, а сега е и официјално потврдено - дизајнерското дуо Доменико Долче и Стефано Габана ќе ја згаснат својата модна линија D&G...

На модната недела во Милано, која се одржува од 21 до 27 септември, Долче и Габана ја прикажаа последната D&G колекција.

Причина за гасењето на толку популарна линија, веќе 26 години омилена меѓу опседнатите со мода ширум светот, италијанското дуо не даде, освен дека сакаат „во целост да и се посветат на својата нова линија за која веруваат дека ќе биде уште подобра“.

Значи, фанови на D&G не очајувајте - изгледа дека пристигнува нешто уште поинтересно. Чувајте ги ваши стари „крпички“ од познатите две букви од азбуката, можеби еден ден ќе имаат музејска вредност.