Почетокот на секоја врска е убав, но и тежок. Две личности штотуку се запознаваат, си ги откриваат мааните и доблестите. И „зближувањето во креветот“ е под стрес. Еве неколку совети кои можат да ви помогнат, барем кога станува збор за сексот со новиот партнер.

Ако сте невини, задолжително признајте. Не треба да се срамите, без разлика на тоа колку години имате. Ако личноста со која се предавате на вашиот прв сексуален однос е полна со почит и разбирање, немате причина тоа да го криете. Во спротивно, размислете има ли смисла да бидете со личност која во случај кога ќе и ја доверите својата голема тајна ќе ви се потсмева?

Ако одлучите да имате сексуален однос за време на менструален циклус, бидете сигурни дека тоа и двајцата го сакате и дека се во врска со тоа ви е океј.

Од партнерот не смеете да криете ни ако во пределот на гениталиите нешто ве чешка, пецка или ако имате засилен секрет. Со неодговорното молчење за полови инфекции можете да разикувате да го заразите и партнерот, како од мали и не толку опасни болести, така и со некои посериозни.

Не срамете се од своите мириси, ако се случи сексот да ве „изненади“ по напорен работен ден, на пример. Можете да му предложите на партнерот заедно да се туширате, или да се бањате во када. Или едноставно освежете се со влажни марамчиња.

Кога партнерот ќе ви дојде во „секси посета“, проверите во каква состојба е постелнината во која ќе го примите „гостинот“. Од тоа дали е убава и нова, многу поважно е да биде чиста, испеглана и уредна.

И тоа најважното - кондоми. Инсиситрајте на безбеден секс, не попуштајте без оглед на сите изговори на партнерот. Ако ви се чини дека ќе имате проблем во врска со тоа, поразговарајте порано, а не кога ќе дојдат страстите. На здравјето не се мисли во последен момент.