Во нова врска си, и мислиш дека конечно го најде господинот Вистински. Почетоците на врска се најубавиот дел од речиси секој однос. Но таа фаза не трае засекогаш, а со оглед на тоа што односите со време еволуираат би требало да поставиш добри темели за подоцна...

Однесувај се природно
Во било која фаза од врската едно од основните правила е да бидеш своја и да не се правиш нешто што не си, а ова е посебно важно за почетокот. Ако глумиш уште во почеток, ќе мора да продолжиш и покасно што во тебе ќе предизвика голема фрустрација. Моментот кога ќе се опуштиш и ќе се покажеш во виситнско светло, твојот партнер ќе го забележи тоа. Имаш доволно време во текот на врската да му поклонуваш внимание и да бидеш добра.

Биди директна и јасна
Погрижи се уште на почетокот да имате отворена комуникација. Ако постојано си отворена за своите цели, чувства, тоа што го сакаш и не го сакаш, секогаш ќе знаеш на што си и кое е твоето место во врската. Пред целосно да почнеш да му се препушташ на партнерот важно е да знаеш дека и двајцата сте на "иста страна" на гледање на работите кои се важни за опстанок на секоја врска.

Препушти се
Комуникацијата и довербата се темел на секоја успешна врска. Погледите на врската се разликуваат од личност до личност, па поради тоа опушти се и верувај и на својата интуиција. Обрни внимание на тоа како се  чувствуваш кога си во близина на својот партнер. Грешките од претходните врски се повторуваат, а сегашниот и претходниот парнер немој да ги споредуваш, затоа што се работи за две различни личности.