Од сега на својата вратоврска можете малку и да дремнете, бидејќи таа со еден потег се претвара во перница, а кој е за тоа заслужен, се разбира - Јапонците...

Јапонската компанија KTM неодамна на пазарот лансираше вратоврска која може да послужи и како перница. Вратоврската Nemuri (во превод вратоврска за спиење) поседува вентил за надувување и на тој начи овозможува удобно спиење на масата.

"Вратоврската Nemuri" има налик на обична вратоврска, освен што има дискретно поставен вентил за надувување и претварање во мека перница.

Вратоврската е направена од свила и специјален микрофибер кој го лади лицето за време на жешките летни денови, а произведувачот наведува дека намената е првенствено за службениците.

Оваа необична вратоврска за спиење може да се купи на интернет и чини околу 23 евра.