Една од најдрагоцените и најчуваните библиотеки во светот, во наредните години ќе отвори некои од своите тајни архиви...

Ватикан идната година ќе организира изложба од 100 одбрани документи од Тајниот архив, вклучувајќи и необјавени списи од Втората светска војна, пренесува АП.

Изложбата која ќе биде организирана по повод 400 годишнината од Ватиканскиот архив, ќе биде прилика по прв пат да се изложат документи, ракописи и пергаменти од тајните архиви.

Официјалните лица на Ватикан најавиле дека ќе бидат изложени и досега невидени документи кои се однесуваат на папата Пија XII, кого еден дел од евреите го обвинуваат дека не е работил на тоа да го спречи холокаустот.

"Lux in Arcana: Откривање на Ватиканските тајни архиви" ќе биде отворена од фебруари до септември во Капитолскиот музеј во Рим.