Радоста што го добил шестото внуче, најбогатиот човек во Хонг Конг не само што ја поделил со вработените, туку и ги почестил со вкупен бонус од два милиони долари...

Претседателот на градежната компанија "Henderson land development", Ли Чао Чи (83) бил со многу отворени раце, па на секој од 1500 вработени доделил бонус од 1.285 американски долари во чест на минато-неделното раѓање на неговиот внук.

Бонусот би требало да биде уплатен кон крајот на месецот, кога планира во раскошната вила да го организира славањето, бидејќи неговиот најмлад син Мартин, после две ќерки добил момче.

Дарежливиот магнат кој има пет деца, и минатата година на вработените во својата компанија им дал бонус од 10 илјади долари поради раѓањето на три внуци родени од сурогат мајка за неговиот најстар син Питер.

Ли е на 28 место на листата на ФОрбс на најбогати луѓе и неговото богатство се проценува на 19 милијарди долари.