Јапонските истражувачи тврдат дека откриле огромни количини на ретки минерали кои се користат во многу hi-tech апарати, на дното од Тихиот океан...

Геолозите проценуваат дека станува збор за 100 милијарди тони на тие ретки елементи. Тимот го водел јапонскиот професор Јаширо Като, а минерали пронашле на 78 подводни локации. "Неверојатна е концентрацијата на овие елементи на наоѓалиштата. А само еден километар квадратни од тие минерали е доволен за задоволување на петина од моменталната годишна побарувачка", рекол Като.

Всушност, треба да се напомене дека ова откритие најмногу ја погоди Кина, на која и припаѓаат дури 97% од вкупното светско производство на ретки метали. Доколку црпањето на овие минерали се докаже економски исплатливо, тоа би можело значајно да ја затресе кинеската доминација на ова поле. Меѓутоа, многу наоѓалишта се наоѓаат во меѓународните води кај Хаваите и источно од Тахити во Француска Полинезија, па ќе биде интересно да се гледа "борбата" на првите ископувања.

Минералите се пронајдени на длабочина од 3.5 и 6 километри под морето па и самата идеја за бушење на толку големи длабочини е веќе загрижувачка за еколошките активисти.