Направен од метеоритски метал и сафри, овој брич чини неверојатни 100.000 долари...

Zafiro Iridium е брич за кој производителите велат дека може да трае „вечно“ затоа што е направен од најретките и најиздржливите материјали.

Дршката е од метеоритски метал иридиум, а жилетите се од бел сафир, кој со јонизирани честички е наострен така што дебелината на острицата е 5.000 пати помала од дебелината на човечкото влакно.

Иридиумот е еден од најретките и најцврсти метали кои му се познати на човекот и толку е редок што компанијата Bright Light од Портланд во Орегон ќе произведе само 99 парчиња од овој еклкузивен брич.

„Сметаме дека направивме огромен скок во креирањето на единствен производ. Го направија професионалци од областа на ракетниот инжинеринг, нанотехнологијата и физика на елементарни честички“, рече Хејден Хамилтон од Bright Light.