Кај нас најчести и најпознати нарушувања на сонот се инсомнијата и месечарењето. Доколку ви е досадно прочтајте ги овие интересни приказни за луѓето кои месечарат...

1. Болничарот кој создава ремек дела
Lee Hadwin преку ден е болничар, а навечер додека месечари се претвора во најперфектниот уметник и создава ремек дела, иако преку ден не покажува никаква љубов и интерест кон уметноста. Многу галерии ги бараат неговите дела. Тој започнал со месечарење уште на 4 години кога неговите родители сметале дека сето тоа е фаза од детството, но кога станал тинејџер, на своите „вечерни прошетки“ започнал да создава ремек дела на ѕидовите.

2. Возач
23-годишниот Kenneth Parks од Торонто пател од инсомнија предизвикана од премалку работа и проблеми со коцкањето. Рано наутро на 23 Мај во 1987 година, тој во фаза на месечарење седнал во кола и поминал 10.000 милји кога стигнал пред куќата на родителите на неговата сопруга и ја избодел мајката на неговата сопруга до смрт. Го нападнал и таткото на сопругата но тој го преживеал нападот. Kenneth сам отишол и се пријавил во полиција иако не знаел што се случувало. Тој бил ослободен од казна затоа што имал историјат за месечарење и не извршил убиство со умисла.

3. Секс со непознати
Во 2004 година, експерите за сон и неговите нарушувања успешно излечиле редок случај во кој жена која додека месечари има секс со непознати луѓе. Средовечната жена од Австралија во текот на неколку месеци, секоја вечер го напуштала домот додека спиела и имала секс со непознати лица. кондомите кои секој ден биле расфрлани пред нејзината куќа биле знак за таа да воочи за што станува збор. Нејзиниот сопруг една вечер приметил дека ја нема и тргнал да ја бара и ја затекнал за време на сексуален чин со непознато лице. Нејзиното нарушување на сонот исчезнало откако била на советување кај психијатар. Лекови од групата на бензодијазепини кои се користат при третирање на нарушувања на сонот не биле потребни.

4. Готвач
55-годишниот готвач Robert Wood станува 4-5 пати во неделата додека спие и за тоа време во кујната подготвува омлети, чорби, помфрити и што ли уште не. Тој 40 години има проблем со месечарењето, но неговата сопруга се плаши да не настрада во кујната. Robert смета дека чирот на желудникот е главната причина поради која тој секоја вечер е во кујна додека спие, затоа што секогаш јаде во многу мали порции и мисли дека гладот го тера да оди во кујна.