Добро познато е дека долгото капење во топла када е совршен крај за еден напорен ден...

Но, таа исто така може да ве натера да се чувствувате и помалку осамени, покажува едно американско истражување на научниците на Јелскиот универзитет.

Топлата вода во кадата дејствува како замена на друштво и може да ги избрка чувствата на изолација и исклучување.

Според истражувањето, луѓето кои земаат топла када или туш, потсвесно го бркаат чувството на осаменост. Колку посилно е тоа чувство, толку повеќе такви бањи ќе земаме, ќе стоиме подолго време и при повисока температура.

Топлото физичко чувство значително ја намалува депресијата од социјалната изолација, посочуваат авторите на студијата.

"Откритието ни покажува дека физичката или социјалната топлина се подеднакво заменливи во секојдневниот живот. Колку поосамени се чувствуваме, толку повеќе ја заменуваме социјалната топлина со физичка", заклучуваат научниците.

Тие тврдат дека оваа асоцијација е шифрирана во мозокот уште од детството и тоа објаснува зошто луѓето бараат удобност во топли пијалоци и супа.