Книгите за самопомош зазимаат се повеќе места на полиците не само во книжарниците, туку и во нашите домови. Кога стресот ќе стане преголем, а обврските ќе го преплават нашето време за одмор, посегнуваме по алатките кои најлесно би ни помогнале да ги ставиме работите на свое место. Ричард Вајсман е автор на книгата „59 секунди“ во која тврди дека промените за среќен живот можеме да ги направиме за помалку од една минута...

За среќа не се потребни скапи автомобили и вили во најскапиот кварт од градот. Тоа е веќе познат факт за кој не требаат научни истражувања.

Но, тие послужиле како потврда за тезите кои Ричард Вајсман ги изнел во својата книга „59 секунди“ посветена на постигнувањето среќа со постапки за кои е потребно помалку од минута. Ова се некои од главните тврдења кои со сигурност функционираат.

Убави случувања

Ако наведете три работи за кои сте благодарни во животот и три убави случувања во последната недела и веднаш ќе се почувствувате многу посреќни.

Освежете ја насмевката и правилното држење

Насмевката и правилното држење можат навистина да ви го поправат расположението. Но, насмевката не смее да биде брза, мора да биде на вашето лице помеѓу 15 и 30 секунди или подолго.

Допирање на надлактицата

Ако допрете нечија надлактица, ќе ја побудите таа личност на поголема подготвеност да го прифати тоа што го сакате од неа.

Мислете за тоа што би го оставиле зад себе

Ако поминете само една минута замислувајќи ги пријателите на својот погреб и размислувајќи што би оставиле зад себе приватно и професионално, ќе препознаете подолгорочни цели.

Смислени разговори

Муабетењето по ходниците нема да ве опушти. Бесмислените разговори кои ги водите со колегите на работа можат само да ве изморат. Изберете неколку колеги со кои имате заеднички теми и на тој начин ќе се опуштите на работа.