Американецот Гилберт Херик ја чекал цели 98 години "онаа вистинската" и ја пронашол во ходникот од старечкиот дом...

На 99 години, ветеранот од Втората светска војна и пензиониран работник од поштата, неодамна се оженил со Вирџинија Хартман (86), вдовица со пет деца, а се запознале во 2010 година, во ходникот од старечкиот дом во кој и двајцата живеат.

По тоа, тој често ја посетувал во нејзината соба. Парот по извесно време посакал заедничка соба, но тоа според правилата на старечкиот дом било возможно само ако се во брак.

Со оглед на тоа дека се нашле во "безнадежна ситуација", Вирџинија била таа која се одлучила на судбоносниот чекор и го запросила Гилберд, а венчањето е одржано на 6-ти јуни во свечената сала на старечкиот дом.