На планинскиот венец Сиера Диабло, западен Тексас, ќе биде изграден огромен часовник, кој ќе отчукува идните 10.000 години...

Го гради Дени Хилис, ИТ експерт, кој за остварувањето на проектот "10.000 year clock" сонува од 1989 година.

Работите се во полн замав, а планот вклучува да се вгради часовник во карпа кој ќе се простира на 61 метар, заедно со тунелите за пристап и коридори, со кои туристите ќе можат да си прават турнеи. Часовникот ќе биде подесен да прави 1 отчукување годишно, додека со ѕвоно треба да се огласува секои 1000 години, кога би требало свечено да се истакне и "кукавицата".

Заинтересираните посетители ќе морат навистина да се потрудат да го видат часовникот, бидејќи најблискиот аеродром е оддалечен неколку часови возење со автомобил, додека последниот дел од патот мора да се помине со одење, по планинска патека, до клисурата сместена на околу 600 метри над рамнината.

По многу години напорна работа, дизајнот и конечниот нацрт план за механизмот ќе бидат довршени, па склопувањето ќе следи наскоро. Освен часовник, во карпата ќе се наоѓаат и 5 посебни комори, кои ќе ја прослават својата симболика на 1, 10, 100, 1000 и 10.000 година. Првата е веќе смислена, за десеттата сеуште се собираат идеи, а остатокот ќе бидат оставени за идните генерации.

Ако планирате да го посетите часовникот, можете да се претплатите по пат на електронска пошта на адресата This e-mail address is being protected from spambots. You need JavaScript enabled to view it . Да се надеваме дека човечкиод вид ќе го дочека она последно ѕвоно, кое ќе се огласи за 10 милениума.