Да заглавиш цела ноќ на аеродромот е ноќна мора за секој патник, а токму тоа им се случило на две момчиња кои одлучиле максимално да го искористат времето и тоа на најневеројатен можен начин...

Двојката го истражила аеродромот Forth Worth во Далас од „глава до пета“. Прво малку се возеле во инвалидска количка, потоа се забавувале со презните врати за понатаму да продолжат до WC-то каде се мавале со сапун. Во кујната зеле пиво и го испиле на екс и потоа малку се „повозеле“ по подвижните скали и патем си ги исчистија чевлите. Се откри дека се работи за двајца фотографи, Џо Ајали и Лери Чен кој патувале со вредна опрема.

Бидејќи летот им бил откажан морале цела ноќ да ја поминат на аеродромот, па одлучиле да ги искористат камерите. „Времето поминато на аеродромот ми беше најзабавно до сега. Не мислев да украдам пиво од кујната, дури и ја измив чашата затоа што не сакав да оставам никаков траг. Следниот пат кога ќе бидам на аеродромот ќе порачам пиво и ќе оставам 20 долари бакшиш“, рече Чен.

Се на се, незаборавна ноќ за нив, но снимката крена бура и на другата страна. Имено, член на управниот одобор на аеродромот пратил жалба во поглед на сигурносната служба на аеродромот за која тврдел дека не си ја гледала работата. Но, од службата порачува дека тие двојката со камери ја следеле цело време и бидејќи не правеле никаков неред ниту преставувале опасност, ги оставиле на мира. Како и да е, погледнете ја урнебесната ноќ на аеродромот во Далас.