Можете да се обидете да го напуштите фејсбук, но социјалната мрежа нема да ви го олесни тоа...

Плимата се свртува против фејсбук - минатиот месец повеќе од 100.000 британци и 6 милиони американци ги избришаа своите профили на социјалната мрежа.

Но, да направиш „фејсбук самоубиство“ не е лесно како што би помислиле дека е.

Ако сте навистина одлучни да го направите тоа дело, постојат две опции: можете да го деактивирате профилот или да го избришете.

Деактивирањето е лесна опција. Тоа можете да го сторите избирајќи Account Settings (Прилагодување на профилот) и кликнувајќи на копчето deactivate (деактивирај).

Но, фејсбук тогаш како „злобен генијалец“ ве соочува со слики од вашите пријатели и пораки кажувајќи колку многу ќе им недостига вашето дружење.

Голтајќи кнедла во грлото, тогаш морате да ја исклучите фејбсук е-поштата или страницата ќе продолжи да ве прогонува со пораки за забави и настани кои сега ги пропуштате.

Со деактивирањето не се ослободувате од профилот, туку го оставате да „види во воздух“, чекајќи ве да се вратите назад.

Бришењето е подрастичен чекор, а социјалната мрежа воопшто не ви го олеснува истиот. Морате да ги преберувате фејсбук серверите за да дознаете како да го сторите тоа и тогаш да пратите барање кое мора да биде потврдено од е-пошта.

Фејсбук ве предупредува дека за две недели секоја трага од вас ќе ја снема од серверите, без шанса за враќање назад.

Но, дури и тогаш се уште ќе сте присутни на страницата ако некој од вашите фејсбук пријатели става слики од вас, само што не можете ништо да сторите за да го спречите тоа.

Сакавте да го избришете вашиот фејсбук профил? Па, размислете уште еднаш откако ќе го прочитате ова.