Музејот за чоколадо во Келн има единствена колекција која на посетителите им овозможува да се нурнат во слатко патување низ три илјади години историја на чоколадото: од божествена храна на Астеките до модерен индустриски производ...

Едно е сигурно: чоколадото не прави среќни! Дали е тоа поради неговите состојки или поради тоа што е неверојатно вкусно, не е важно. Затоа што тоа е едно од најомилените слатки на светот.

Во Келн постои цел чоколаден свет - музеј за чоколадо. Ханс Имхоф, некогашниот шеф на „Штолверк“, голема компанија за производство на намирници, во 1993 година ја исполнил својата долгогодишна желба и отворил необичен музеј во кој се се врти околу чоколадото.

Посетителите на музејот можат да уживаат во несекојдневна изложба за историјата на чоколадото на три ката. Патувањето почнува во „тропска куќа“, стакленик во кој може да се види оригинално дрво какао и во вистинска смисла на зборот да се почувствува тропска клима. Овде лежи одговорт на прашањето како настанува какаото и како изгледа патот од таа состојка до чоколадото.

Патот на посетителите понатаму води до просториите за произведување - поточно до швајцарскиот произведувач на чоколадо Lindt & Schungli, кој од 2006 е партнер на музејот за чоколадо. Со други зборови, на релативно мал простор е поставена мала фабрика за чоколадо. Овде на лице место може да се доживее комплетниот производствен процес, затоа што сите машини се опремени со проѕирни заштитни рабови.

Главна атракција во музејот е три метри високата „чоколадна фонтана“, покрај која секогаш стои некој од вработените и потопува бисквити во чоколадото, кои потоа им ги дели на посетителите. Секој може да смета на еден свежо подготвен чоколаден бисквит, иако вработените во музејот нема претерано да се возбудат ако забележат дека некој посетител повеќе пати „залутува“ до чоколадната фонтана.

До 31 октомври 2008, кога прослави 15 години постоење, музејот за чоколада бил посетен од 7,5 милиони луѓе. Годишно овој необичен свет на чоколадото го посетуваат околу 650.000 луѓе, така што музејот за чоколадо се врбојува во десет најпосетувани музеи во Германија.

На вториот спрат од музејот посетителите можат да дознаат нешто повеќе за почетоците на културната историја на чоколадото пред 3000 години во Северна Америка. Народот кој прв го употребувал какаото и од неговите зрна подготвувал чоколадо за пиење бил Олмеки. Подоцна тоа го правеле и племињата Маи и Астеки. Откако е откриена Америка, шпанците го донеле какаото во Европа. Иако во почетокот претставувал луксузен производ кој им бил достапен само на привилегираните, на дворовите на европските владетелски семејства, какаото со време станал производ достапен на сите.