Аргентинска лабораторија објави дека ја создала првата во светот трансгена крава која дава млеко, слично на мајчиното...

"Клонираната крава, наречена Росита Иса, е првата крава во светот која има човечки гени, кои содржат протеини кои се содржаат во човечкото тело", објави аргентинскиот национален институт за технологија по агробизнис.

Росите Иса е родена на 6ти април со царски рез, бидејќи тежела околу 45 килограми, односно 2 пати повеќе од нормалната тежина за својата раса. Кога ќе порасне, кравата ќе дава млеко, кое е слично на човечкото, се вели во соопштението.

"Целта ни беше да ја зголемиме прехрамбената вредност на кравјото млеко, со тоа што додадовме два човечки гени, протеинот лакоферин, кој ги обезбедува децата со анти-бактериска и антивирусна заштита, и лизозим, кој исто така е анти-бактериски агент", изјави истражувачот Адријан Муто на прес-конференцијата.

Клонирањето е заеднички напор на аргентинскиот институт и националниот универзитет на Сан Мартин.