Новозеланѓаните се опростуваат од најпопуларниот овен на планетата, кој ќе биде кремиран, а неговата пепел ќе биде расфрлена од највисоката планина во земјата...

Овенот Шрек бил познат бидејќи со години успевал да избегне стрижење. На насловните страни стигнал во 2004 година кога избегал во пештера над својата фарма на Јужниот Остров, каде се спасувал од редовно стрижење.

Неговиот сопственик Џон Перион вели дека Шрек се разболел пред 3 недели и дека бил успиен во понеделникот на 17 годишна возраст.

Бил покриен со 27 килограми волна кога конечно бил фатен и прикажан на телевизијата. Во земја во која овци има 10 пати повеќе од луѓе, Шрековата бунтовничка приказна инспирирала три книги, а неколку пати бил и на турнеја низ Нов Зеланд.

Неговата пепел ќе биде развејана од врвот на највисоката планиана во Нов Зеланд, а наскоро би требало да биде објавен и документарец за животот на овој најпопуларен овен на планетата.

За овенот кој "одбива да биде истрижан" приказната ја објавиле речиси  сите светски медиуми, вклучувајќи ги "Playboy", "New Yor Times", "CNN", "BBC"...