Koмпанијата Ауди снимила реклама за "Ауди A6 Аvant" во која, без дозвола од рапертот, употребува музика од филмот "8 милји"...

Еминем поднесе тужба во судот во Хамбург за нелегалното користење на неговата музика, песната "Lose yourself", во новата реклама за Ауди А6.

Портпаролот на компанијата по овој повод рекол дека контроверзната реклама всушост не е "реклама". "Видеото за кое разговараме не е реклама, и не е наменета за пазарот во САД", пренесува Yahoo!Music.

Во "видеото" за Ауди А6 маж седи во автомобил и пушта музика - почетокот на песната "Lose yourself".

Изборот на песната и на рекламата/видеото потсетува на реклама која Еминем порано ја снимил за компанијата "Крајслер".

"Не само што Ауди ја користи употребата на оваа песна за да ја рекламира продажбата на автомобил, туку ја украл и идејата за рекламата, која Еминем ја сними во 2011 година за Крајслер, а која е емитувана на Супер боул", изјавил портпаролот на раперот.