Пред 400 години во Париз се појавил првиот моден магазин кој се занимавал со мода, а се викал Le Mercure Galant...

Бил основан во 1672 година од парискиот новинар, историчар и писател Жан де Доно Визе.

Le Mercure Galant бил наменет за видниот дел од граѓаните и целта му било на читателите да ги информира за животот на славните личности, како и за интересни случување од светот на културата, книжевноста, уметноста, театарот, модата, но исто така и економијата и политиката.

Именуван по Меркур, богот на трговијата, патувањето, гласникот на боговите, магазинот бил полн со слики и кратки прикази и критики за се што се случувало во светот на славните личности.

Женскиот дел од читателите се трудел со изгледот, но и со однесување, речиси слепо да ги пратат модните трендови.

Магазинот во 1724 година името го променил во Mercure de France, и со кратки прекини продолжувал да излегува, за да во 1995 година стане дел од издавачката групација Editions Gallimard.

Првиот исклучително женски моден магазин бил The Ladies Mercuruy кој почнал да излегува во 1693 година во Лондон.

Во другите земји модните магазини подолго чекале да излезат во производство. Godey's Lady's Book започнал да излегува во 1830 година во САД, а британскиот Vogue 1892 година. И двете списанија имале значајни промени во изгледот но и во содржината на текстот.

Во шеесеттите години на минатитот век, модните магазини започнале да се печатат и во боја, станувајќи "шарени" привлечни за око.