Само еден погрешен клик на најпопуларната социјална мрежа фејсбук може скапо да ве чини...

На своја кожа тоа го искусила шестнаесет годишна девојка од Хамбург која преку таа социјална мрежа го повикала своето друштво на својата роденденска забава, но по грешка настанот го означила како јавен, наместо приватен.

И опа! На тинејџерската журка се појавиле 1.500 луѓе подготвени за добра забава!

Девојката на својот профил ја најавила прославата на шестнаесетиот роденден, а присуството на настанот го потврдиле 15.000 луѓе, од кои се појавиле околу 1.500, па и полицијата морала да интервенира поради хаосот кој станал пред нејзината куќа.

Речиси 100 полицајци интервенирале на „журката“, која се претворила во кошмар, а приведени се шест личности поради нарушување на јавниот ред и мир и оштетување на туѓ имот.

Како што истакнаа од полицијата, поради забавата целата улица била затворена. Момчињата и девојките кога сфатиле дека на забавата која дошле не можат да влезат, почнале да се забавуваат на улицата, на крововите од гаражите, па имало отпадоци на сите страни.

Со два збора, добар помин!