Француски социолог тврди: Штрумфовите се расисти и нацисти, а Гаргамел е евреј...

Селото на Штрумфовите и Берлин на Хитлер се всушност иста работа, тврди францускиот социолог Антоние Буено во својата нова книга Le Petit Livre Bleu (Малата сина книга). Во неа објаснува дека наизглед пријателските мали суштества кои живеат во идилично опкружување се вистинско олицетворение на расистичката пропаганда и дека нивниот живот е „отелотворување на тоталитарната утопија, натопена со сталинизам и нацизам“.

„Гаргамел очигледно е евреј, а Штрумфета олицетворение на ариевската совршеност.“

Стипот за Штумфовите го направил белгискиот автор Пејо, а објавен е прво во еден белгиски весник во 1958 година. Две години подоцна се издавал посебно, а аниматорската двојка Хана Барбера го направи и славниот цртан во 1981 година.

Кога ќе се разболат, Штрумфовите стануваат црни и се претвараат во морони.

„Првиот стрип ‘Црни Штрумфови’ се занимаваше со нешто што лесно би можело да се квалификува како расна закана. Во него Штрумфовите се болни. А кога се разболуваат, не стануваат виолетови или црвени, туку црни. А кога ќе поцрнат, ја губат секоја ронка интелигенција. Стануваат целосни морони. Воопштo не можат да зборуваат, се огласуваат само со ‘њап, њап, њап’“, го објаснува социологот Буено своето тврдење.

Токму затоа што Штрумфовите поцрнуваат кога се разболуваат, американските издавачи одбија да го објават првиот стрип, а година подоцна, болните Штрумфови сепак почнаа да стануваат виолетови.