Нова анкета откри дека најдобрите работи кои што ги имаме во животот се бесплатни...

Среќата не е само во парите во банката, брзите автомобили и дизајнираната облека, туку во семејството, пријателите и убавината на природата, открива новата студија. Новата анкета откри дека нештата кои изнудуваат насмевка на нашето лице се едноставните задоволства во животот, оние кои им се досапни на сите, бесплатни, тука секој ден.

Кога луѓето биле прашани кои им се најважни задоволства, 22% од 2.000 луѓе избрале смеење, брзо следено со јадење добра храна со одлични пријатели, на второ место со 21%. Прегратките биле на трето место со 19% од испитаниците.

Истражувачите сугерираат дека покрај фокусот на светот на материјалните добра, луѓето се уште наоѓаат задоволство во минатите времиња кои што не чинат ни денарче.

Други популарни работи, покрај трите, биле гледањето на залезот на сонцето, разгледување на стари фотографии и сеќавања и вдишување од мирисот на свежо косена трева.

Ралф Вокер, водичот на маркетингот за Apples во Нов Зеланд, кој ја организирал анкетата за да го одбележи почетокот на важна сезона вели: „Излгледа дека во претерано комплицираниот и стресен свет ние бараме начини повторно да се поврзаме со тоа што навистина е важно. Семејството, пријателите и убавината на природата ги прават луѓето најсреќни. Изгледа дека наједноставните работи кои не чинат ништо се токму тие што ни носат најголема среќа.“

Тој рече дека истражувањето покажува дека најголема вредност им даваме на најмалку материјалните опции и дека сакаме да уживаме во едноставните задоволства кои ни ги пружа животот.