Министерот за култура на Тајланд побарал на странските туристи да им се забрани тетовирањето на ликот на Буда за време на нивната посета на оваа земја, бидејќи таа пракса претставува осетливо културолошко прашање...

Министерот Нифит Интрасомбат навел дека неговото министерство добива од граѓаните секојдневни приговори поради тоа што тату мајсторите ширум земјата тетовираат свети слики од Буда и други религиски мотиви, на кожата на туристи кои не припаѓаат на будистичката религија.

"Странците таквите тетоважи ги сметаат за модни детали. Тие не размислуваат за почитувањето на религијата или можеби не се ниту свесни дека нешто би можело да биде навредливо", изјавил министерот.

Тајланѓаните се со будистичка религија и статуи на Буда и неговите слики се сметаат за свети предмети. Оваа земја на југоисточна Азија годишно ја посетуваат милиони туристи.

Нифит ги повикал тату мајсторите ширум земјата да го запрат овој вид на активност и побарал од локалните власти да извршат инспекција за тетоважите и да соработуваат со владата за тоа прашање.

Министерот за култура во моментов се обидува правно да го забрани овој вид на тетоважи, кои се илегални според тајландските закони.