Лили Стагнел од Велика Британија има потврда дека на курсот за пензионери научила како да го користи интернетот. Таа сега има желба да отвори фејбсук и твитер профили. Таа, меѓу другото, има и 106 години...

Кога правнуците ја прашале Лили Стагнел што сака за 107 роденден, таа како од топ одговорила: „iPad!“. Тоа и не чуди со оглед на тоа што истите тие правнуци ги замолила да и помогнат околу правење на фејсбук и твитер профили.

Госпоѓа Стагнел се „навлекла“ на социјалните мрежи откако го завршила курсот за пензионери на кој учела како да го користи интернетот.

Старицата, која наскоро полни 107 години и која има три деца, четири внуци и три правнуци, својот прв час за социјалните мрежи го имала минатиот месец.

Оваа бабичка живее во Синдерфорд во Велика Британија со својата 78 годишна ќерка, Џој Вилијамс.

„Сакам да направам уште многу работи. Твитер звучи интересно, а кога ќе отворам профил на фејсбук ќе станам најстарата корисничка“, вели Лили.