Кинзи Детон, 14 годишно девојче од Тексас, добила нов Chevy Camaro. Еднаш во годината на најдобрите ученици им подаруваат автомобил...

Еднаш во годината за таа награда се номинираат 25 ученици кои за време на школската година со своето учење и однесување можат да заслужат по неколку "талони". Колку повеќе талони толку поголема веројатност нивното име да се најде во извлекувањето на автомобилот.

Оваа година автомобилот го добила Кинзи, која за жал ќе мора да почека уште речиси две години за во него да влезе како возач. "Веројатно ќе го дадам на родителите да го возат, а потоа ќе си го побарам назад", рекла 14 годишното девојче.

Но, ниту останатите 24 кандидати не си отишле со празни раце - секој како утешна награда добиле Touch Screen Tablet.