Дури 17 "изгубени" пирамиди се наоѓаат меѓу градбите идентификувани по пат на снимки, снимени со сателит...

Со прегледот на инфрацрвените снимки откриени се и повеќе од 1000 гробници и речиси 3.000 села, јавува Би-Би-Си. Пробните ископувања ги потврдиле откритијата, вклучувајќи и две пирамиди. "Ископувањата на пирамидите е сон на секој археолог", рекла д-р Сара Парчак, една од пионирите во програмата на "Вселенската археологија" во лаботориите во Бирмингем и во Алабама кои ги спонзорира НАСА.

Д-р Парчак била изненадена колку пронашле таа и нејзиниот тим. "Повеќе од една година интензивно работевме на ова истражување. Кога  пронајдовме повеќе работи неможев да поверувам дека лоциравме толку места".

Тимот ги анализирал сликите од сателитот кој се наоѓа во орбитата оддалечена од земјата 700 километри, кој е опремен со моќна, супермодерна камера која на површината на Земјата може да сними објекти помали од еден метар во дијаметар.

Инфрацрвеното снимање било користено за под површината да се откријат различни материјали. Старите Египјани своите објекти и куќи ги граделе од цигли направени од кал и глина. "Тоа само покажува дека лесно можат да се потценуваат големината и опсегот на населбите од минатото", рекла д-р Парчак.