Марија Гомес Валентим, 114 годишна бразилка, е прогласена за најстарата личност на светот според Гинисовата книга на рекорди...

"Во средата во Гинисовата книга, светскиот авторитет за доделување на тој наслов, потврдил дека бразилката Марија Гомес Валентим е најстарата личност на светот со 114 години и 313 денови", наведува Гинис на својата интернет страница. Госпоѓата Гомез е родена на 9-ти јули 1896 година во селото Гаранголи, во бразилската сојузна држава Минас Гераис, на југоистокот од земјата каде и денес живее.

До сега Гинисовата книга на рекорди како најстара личност на светот ја наведувала Беси Купер, родена на 26 Август 1896 година во Тенеси. Новата носителка на насловот на најстарата личност на светот својата долговечност ја препишува на здравата исхрана, која вклучува чаша вино од време на време. Во соопштението наведува дека од 1946 година прима минимална плата во износ од 338 долари, колку што изнесува минималната плата во Бразил. Марија Гомес валентим има еден син, четири внуци и седум правнуци.