На фестивалот во Кан премиерно бил прикажан контроверзениот филм за смртта на омилената англиска принцеза...

И покрај тоа што поминале 14 години од смртта на принцезата Дијана, шпекулациите за таа судбоносна вечер на 31 август во 1997 година не престануваат. Големо медиумско внимание на Канскиот фестивал предизвикал документарниот филм "Незаконско убиство" во кој Дијана најавува дека ќе биде убиена и дека нејзиниот сопруг Чарлс планира тоа да биде сообраќајна несреќа. По само четири години подоцна, Дијана загинала во сообраќајна несреќа.

Филмот е дело на Кит але, татко на пејачката Лили Ален, а финансиски го помогнал Мухамед Фајед, таткото на Доди Фајед кој загинал заедно со Дијана. Филмот предизвикал гнев на кралското семејство, па документарецот нема да се прикажува во Велика Британија бидејќи адвокатите побарале да се исечат дури 87 сцени пред прикажувањето. Се што се зборувало за контроверзниот документарец, е дали навистина принцот Чарлс ја режирал смртта на Дијана.