Шиоу-Јинг Тсаи, 54 годишна фризерка од Тајван, од косата која ја шиша од муштериите прави украси - од чевли до разни модни додатоци...

Шиоу-Јинг Тсаи е фризерка речиси четрии декади, но инспирацијата за оваа хоби ја добила пред десетина години на еден натпревар. Од косата на муштериите изработува се што ќе и падне на памет - од фиби до брошеви. Сепак, најгорда е на чевлите со високи потпетици целосно направени од коса. За нивната иработка и требале месец дена.

„Лично многу сакам високи потпетици, но имам рамни стапала па секогаш кога ќе излезам со завист ги гледам девојките кои носат чевли со високи потпетици. Јас можам само да ги гледам и да ги испробам, а ако ги купам, само ќе ми стојат некаде бескориснo. Овие ги направив баш затоа. Ако веќе не можам да ги носам, тогаш барем направив уметничко дело. Само вистинска коса може да издржи во процесот на обликување. Кога косата е вистинска можам да ја обликувам или да ја исфарбам каква што сакам. Лепилото, на пример, би ја уништило вештачката коса, но вистинската не може“, рече фризерката.

Тсаи почнала да работи со косата уште пред да се запише во средно училиште. Вештините ги учила од мајка и, а од тогаш присуствувала на повеќе од стотици натпревари и ревии, и како фризерка и како судија.

Само за една потпетица Тсаи употребила коса од три луѓе, па ги замолила и семејството и пријателите, па дури и соседите да и донираат коса за и понатаму да може да изработува работи. Но, вели таа, не се за продавање. Наскоро планира да го прошири „производството“ - од коси ќе прави и корсети и фустани.