Мислевте дека Елизабет Тејлор била промискуитетна личност? Се лажете. Еден од нејзините мажи и нејзин колега, Ричард Бартон, спиел со три нови жени секоја недела цели 30 години...

Да е жив денеска, Ричард Бартон веројатно би морал да оди на терапија за секс зависници.

Неговите сексуални авантури започнале во 1944 година во универзитетот Оксфорд, кога ја изгубил својата невиност на 18 годишна возраст од постара студентка која ја запознал во еден паб.

Штом го започнал тоа, тој почнал да ја „прочешлува“ женската популација во градот.

Вџашени од неговата промискуитетност, неговото семејство го присилило да се ожени со невината Сибил Вилијамс, со која тој се запознал на филмска сцена.

Бракот требало да биде голем успех, но во 1949 година актерот ја запознал актерката Клер Блум (тогаш 17 годишна) и почнал да ја „работи“ секое утро во нејзиниот дом додека мајка и спиела на вториот кат, според зборовите на Блум.

Меѓутоа, тоа е само почетокот на една голема кариера на модерен Дон Жуан.

Што уште, од 1947 година до 1975, Бартон водел љубов со барем една нова жена секој втор ден, што бројката ја заокружува на 2.500. Некогаш неговата промискуитетност ја надминувала онаа на плејбојот Ворен Бити.

А како Бартон успевал да заведе толку жени? Па, според зборовите на негови пријатели, повеќето од жените „паѓале“ на неговите сиви очи. Тој исто така им рецитирал поезија, а ако тоа не успевало преминувал на Шекспир, и можел тоа да гоправи цела ноќ, се додека дамата не му падне во креветот, или на масата, или на тепихот, или на шанкот, или на...

Тој исто така знаел и да им пее на жените, често на неговиот мајчин јазик, Велшкиот. Писателот Рут Вотербери вели дека бил запрепастен кога ќе видел како жените и покрај нивната запрепастеност, не се противеле кога тој ќе решил да ги остави.

Па, после ова, се уште ли сте сигурни дека Дон Жуан е човекот кој спиел со најмногу жени?