Во пештерата Алтамира, на северот од Шпанија, откриени се цртежи кои ги насликале праисториските луѓе пред 25.000 години, соопштиле денес регионалните власти...
Црвените цртежи со коњи и човечки раце, кои случајно ги откриле археолозите, додека барале знаци на древни населби, настанале веројатно во исто време како и некои од најдобрите праисториски слики кои се откриени во пештерата Алтамира во 1879 година.
"Тоа беше случајно откритие. Иако цртежите беа тешко забележливи затоа што беа доста пропаднале, искуството ни помогна да ги препознаеме", рекол археологот Диего Гарате за агенцијата Ројтерс.
Првите хомо сапиенси пристигнале во северниот дел на Шпанија во мали групи, пред околу 35.000 години. Тие живееле заедно подолго време со неандерталците и развиле значајна култура, позната под името Горен Палеолит, кога правиле алати од камења и ги украсувале ѕидовите на пештерите.
