Новопечената принцеза Кетрин, по сопствена желба, следните две години ќе ужива во улогата на домаќинка и сопруга на воен пилот, а на јавни случувања ќе доаѓа исклучиво во придружба на сопругот Вилијам...
Кејт Мидлтон по венчавањето нема да им се посвети на кралските должности, затоа што одлучи следните две години да води мирен живот и да ужива во улогата на домаќинка и сопруга на воен пилот.
Кејт исто така одлучила на сите јавни случувања да доаѓа исклучиво во придружба на сопругот, а извори блиски до парот за британските медиуми изјавија дека сака да ужива во животот во изнајмена куќа на Енглсеј во северен Велс.
Принцот Вилијам ја поддржува нејзината одлука и побарал нејзините обврски да се сведат на минимум, а добро упатени извори тврдат дека во својата одлука Кејт очигледно се огледала на маќеата на ВИлијам, Камила, која по венчавањето со неговиот татко Чарлс, инсистирала да има само споредна улога.
Поради истото веќе некои почнаа да ја критикуваат Кејт, обвинувајќи ја дека е многу срамежлива кога станува збор за работа. Дел од критиките се базира на фактот дека единствената работа што Кејт ја работела по дипломирањето во 2005 година е онаа за фирмата Jigsaw, но ни на тоа работно место не останала многу долго.
