Кралското семејство надалеку е познато по своите валкани алишта...

Зад нас е венчавката на векот, која не можевте никако да ја избегнете. Беше на најмалку 8 телевизиски програми во Македонија, вклучувајќи ја и националната македонска телевизија МТВ, а исто така пренос се вршеше во живо и на интернет, посебно на официјалната YouTube страница на кралското семејство.

Меѓутоа, на сите тие лимунади уште нема крај, затоа што допрва треба да се разгледуваат случувањата зад сцената.

Кралското семејство инаку е надалеку познато по, освен големите уши, и по валканите алишта, па дури и невестата не е исклучок, па да кажеме дека братот на Кејт е склон кон развратни забави на кои со пријателите се облекува во женски алишта. Најмногу сака да позира во фустан со точки и костуми на француски собарки.

Вујкото на веќе споменатата пак, се дрогира на големо, а дури и на принцот Вилијам своевремено му нудел проститутки.

Има уште... Нивните величанства, Кејт и Вилијам потпишале предбрачен договор според кој, ако дојде до развод, децата ќе му припаднат на таткото.

Па, вие уште зборувајте за „среќни до крајот на животот“, со сите тие проблематични роднини кои сигурно ќе им дишат зад врат, ќе им се закануваат со објавување на книги и ќе изнудуваат пари, а да не споменуваме што ќе биде ако дојде до изневерување, во стилот на принц Чарлс и Камила.