Познатиот дизајнер Карл Лагерфилд направил вистински хотелски апартман, но користејќи некои сосема необични "материјали"...

Париз доби уште една атракција за туристите, благодарение на компанијата која произведува сладолед, а која го ангажирала Карл Лагерфилд за да им помогне во промоцијата на нови вкусови за летната сезона 2011.

Меѓутоа, бидејќи неможел ништо да креира од сладолед, Лагерфилд втората "слатка" алтернатива ја пронашол во чоколадото, од кое направил хотелски апартмен кој вчера беше прикажан во Париз.

Креаторот за потребита на рекламната кампања дизајнирал соба која од подот до плафонот е направена од чоколадо. Плафоните, ѕидовите, па дури и перниците и ќебињата се со чоколаден вкус. Дури и чипката на постелнината е чоколадна.

А на сето тоа, на креветот од чоколадната соба, ве чека фигура на голо момче од црно чоколадо.

За се се водело сметка, па така секој детал од овој апартман е од чоколадо. Ниту еден друг материјал не е искористен при уредувањето.

Инаку, Лагерфилд во капањата за новите сладоледи "Magnum" направил и три ТВ реклами, за кои ја ангажирал американската актерка Рејчел Билсон.

Ако го изнајмите баш овој апартман, ќе внимавате да не дојдете во искушение да гризнете малку од чоколадото.