Анонимен американец на универзитетот во Сиднеј, подарил слика од Пикасо вредна повеќе од 10 милиони евра, под услов дека парите од нејзината продажба ќе се наменат во научни истражувања...

Сликата "Заспана девојка" од 1935 година ќе биде понудена на аукција на 21 јуни во седиштето Кристи во Лондон.

Нејзината вредност е проценета на сума помеѓу 9 и 12 милиони фунти.

"Тоа е вистинско сликарско, богатство од гениј на западната уметност.  Среќни сме што му помагаме на сиднејскиот универзитет нудејќи го делото на аукција", рекла Џована Бертазони од одделот за импресионизам и модерна уметност.

Ректорот на универзитетот во Сиднеј, Мајк Спенс рекол дека добротворот "лично дошол" во Сиднеј за да ја предаде сликата.

Приходот од продажбата ќе биде искористен за основање на нов центар за истражување на дебелината, дијабетисот и кардиоваскуларните болести, рекол Спенс. На сликата "Заспаната девојка" прикажана е Мари Терес Валтер, која Пикасо ја запознал во 1927 година, кога тој имал 45, а таа 17 години која покасно станала и негова љубовница.