Иако науката несомнено тврди дека вкрстување на два вида не може да „роди“ потомство, сопственик на една мачка во кинескиот Јангшан не ја исклучува таа можност...

Зоу Јан забележал дека едното од двете млади кои ги омачила неговата мачка умрело. Прегледувајќи го другото младо, сфатил дека тоа не е мачка, туку куче. „Сосема е можно да се работи за мешанец меѓу мачка и куче“, заклучил Јун.

Но, генетски гледано, тврди науката, тоа не е можно. Шефот на блиската ветеринарна клиника, Лаи Ксиаојун, го посетил необичното суштество и заклучил дека мачката најверојатно, кога забележала дека младото и умрело, нашла новороденче куче и го „посвоила“, што изгледа како најверојатно сценарио.

„Мачките и кучињата припаѓаат на различни животински видови и невозможно е нивното вкрстување да заврши со потомство“, категорично вели Ксиаојун.

Како и да е, дали младото на крајот ќе мјаука или пак ќе лае, ќе покаже времето.