Дека прозевањето е заразно е општо познат факт кој не треба да го докажуваат многубројни научни студии и истражувања. А зошто е тоа така не е толку едноставно да се открие, затоа што за тоа прашање се јавуваат претпоставки благодарение на однесувањето на - шимпанзите...

Дали се прозеваме затоа што ни недостига кислород или тоа е вид на имитирање како кога некој јаде лимон, па и нам ни се собира устата?
Јапонските научници ги проучувале шимпанзите и утврдиле дека кога Аи, 27 годишно шимпанзо ќе ги види другите шимпанзи како се прозеваат, и тој ја зафрла главата и набрзо се прозева. Од шест набљудувани шимпанза, две очигледно се прозевале реагирајќи на снимките од прозевање на други шимапнза.

Но, три млади шимпанзи со мајки воопшто не реагирале на туѓо прозевање, се вели во студијата. Ниедно шимпанзо не се прозевнало гледајќи слики од други шимпанза кои само ја отвараат устата, што е слично на човечкото однесување.

Кога луѓето гледаат снимка од прозевање, реагираат со прозевање, но за децата до пет години прозевањето, се чини, не е заразно. Заразното прозевање се смета за последица на сочувствување која бара напреден интелект, заклучува студијата.

Претходно се верувало дека прозевањето е заразно само за постарите луѓе, затоа што се мислело дека децата и животните не се доволно интелектуално развиени.