Уништената нуклеарна централа во Чернобил ќе добие нов штит за заштита од истекување на радиоактивен материјал, бидејќи стариот кој е направен по несреќата пред 25 години, полека му истекува рокот на траење...

Голем дел од старата бетонска-челична конструкција, која беше блокирана од нуклеарниот реактор во Чернобил, еродирал поради радијацијата и тешките временски услови, а векот на траење на овие структури е проценет на 30 години.

Новиот "покривач" за уништената нуклеарка во Чернобил го дизајнирале и ќе го изгради една француска компанија. Се работи за челична конструкција со ширина од 257 метри, должина 164 метри и висина 110 метри и на која рокот на траење ќе и биде 100 години.

"Импресиониран сум од иновативната технологија и се надевам дека неговата имплементација ќе биде подеднакво успешна", изјавил главниот секретар на IAEA, Амано Јуки за Ројтерс.

Вредноста на проектот е проценета на 1.54 милијарди евра, а украинската влада се заложила за завршување на проектот до крајот на пет годишниот период, но истакнале дека очекуваат и помош од меѓународната заедница.