Помина и тој ден, 21 април 2011 година, ден кој помина без некои поголеми случувања... освен ако не ги прашате фановите на култниот Терминатор. Тие знаат дека тоа е Судниот ден...
Но, „предвидувањата“ на режисерот Џејмс Камерон дека машините ќе се побунат против луѓето и ќе завладеат со планетата и ќе доведат до крај на светот каков што го замислуваме, не се исполнија. Но, се поствува прашањето: колку сме блиску до тоа црно сценарио?
Во Терминатор 21 април 2011 година е „Судниот ден“ на кој мрежата над сите мрежи, наречена Skynet, односно фиктивен американски состав на одбрана кој во филмот го држеше цело нуклеарно оружје на САД, ќе скова заговор против човештвото и ќе одлучи да лансира нуклеарни ракети над Русија за човештвото да исчезне во нуклеарен конфликт.
Јунакот со име Кајл Рис кој во филмот го глуми Мајкл Биен се враќа во минатото и открива дека Skynet се воспоставил на 4 октомври 1997 година, а „свест“ добил неколку дена подоцна.
Но, иднината се промени во второто продолжение на Терминатор кога успеаа да го уништат истражувањето кое доведе до Skynet. Но, јуначкиот потфат не ги спречи апокалиптичните предвидувања, туку само ги одложи.
„Во првото продолжение Кајл Рис рече дека не чека само една иднина, но тоа сигурно не е тоа што го проживеваме денес. Можеби Кајл, Сара, Џон и T-800 доволно ги променија работите и всушност влијааеја на поинаква иднина. Сега наместо нуклеарна војна загрижени сме за глобално затоплување.
А дека машините ќе превземат се? „Па, погледнете само како луѓето цело време гледаат во мобилните. Мислам дека машините веќе победија“, порача славниот режисер Џејмс Камерон.
Но, денот уште не е готов, а ако се помина во ред, не чека ново страшно предвидување. Според календарот на Маите, крајот на светот ќе се случи на 21 декември 2012 година.
