Огласот би можел да гласи вака: продавам спортски автомобил, марка Ферари, во многу добра состојба, прв сопственик... И да, уште една важна работа - направен е од волна...

Откако во последните 5 години со него го препатувала целиот свет, британката од Кипар Лорен Портер бара „траен дом“ за своето наштиркано Ферари на кое му го наметнала називот „12 милји предено“. Имено, точно толку волна употребила за да го направи во природна големина. За изработката и требале цели 10 месеци, а штиркале сите - од семејството до пријателите.

„Сите ги вклучив за некои помалку важни делови“, вели уметничката.

„12 милји предено“ веќе е изложен дури на две автошоуа, и во десетина уметнички галерии ширум светот.