Католичката Црква во Италија е бесна поради телевизиската реклама во која главната улога ја има полугол маж што многу наликува на Исус Христос...

Мажот е врзан за креветот во положба слична на онаа на Исус на крстот. Одненадеж во собата влегува домина облечена во тесни хеланки и оскудна долна облека. Жената замавнува со камшик, а мажот благодарејќи на најмодерните безжични слушалки во ушите, го повикува татка си на помош: „Татко, можеш ли да ми помогнеш?“, прашува гледајќи во небото како да се обраќа на Господ.

Интересно е тоа што рекламата својата премиера ја доживеа на државниот канал Italia 1 која е во сопственост на компанијата Mediaset чиј сопственик е премиерот Силвио Берлускони.

„Рекламата се темели на влакан конецпт и најверојатно е навредлвиа за сите тие кои веруваат во Исус Христос“, вели уредникот на дневниот весник на католичката бискупска конференција во Рим.
Уредникот Марко Тарквинио рече дека рекламата не требала ниту да се сними, а сите навредени католици ги повика на бојкот на каналот како и на производот кој го рекламира. На огласот реагираше и Здружението на католички телевизиски гледачи, Aiart, кои исто така се согласуваат со забелешките дека рекламата е многу навредлива.